Universidade Europea ATHENA
A Universidade de Vigo forma parte da Universidade Europea ATHENA, unha alianza de nove institucións de ensino superior e de investigación
A iniciativa "Universidades Europeas" forma parte do programa Erasmus+ 2021-2027 e nace co obxectivo de apoiar a 60 Universidades Europeas integradas por máis de 500 institucións de educación superior para mediados de 2024.
O consorcio Advanced Technology Higher Education Network Alliance (ATHENA) é un dos proxectos pilotos de Universidades Europeas seleccionados pola Comisión Europea en 2020. Ademais da Universidade de Vigo, o consorcio, coordinado polo Instituto Politécnico do Porto (Portugal), está integrado actualmente polas seguintes institucións académicas: Université d'Orléans (Francia), Universität Siegen (Alemaña), Univerza v Mariboru (Eslovenia), Vilnius Tech (Lituania), Ελληνικό Μεσογειακό Πανεπιστήμιο-Universidade Helénica do Mediterráneo (Grecia) e Uniwersytet Marii Curie-Skłodowskiej w Lublinie (Polonia).
Que é unha Universidad Europea?
Trátase de alianzas transnacionais co obxectivo de liderar o camiño ás universidades do futuro, promovendo os valores e a identidade europeos e revolucionando a calidade e a competitividade da educación superior europea.
As alianzas inclúen socios de todo tipo de institucións de educación superior de diferentes áreas xeográficas en Europa, para ofrecer currículos centrados en cada estudante e impartidos conxuntamente en campus interuniversitarios, onde dispoñen de diferentes opcións de mobilidade. Todo isto, dende un enfoque de cooperación interdisciplinar para abordar os problemas da Europa de hoxe en día
Ao colaborar con aproximadamente 1300 socios, como organizacións non gubernamentais (ONG), empresas, cidades ou autoridades locais e rexionais, as Universidades Europeas poden aumentar substancialmente a calidade e o alcance da educación superior en Europa.
ATHENA
A alianza ATHENA (Advanced Technology Higher Education Network Alliance) estaba inicialmente formada por sete institucións:
- Instituto Politécnico do Porto (Portugal) (coordinador)
- Ελληνικό Μεσογειακό Πανεπιστήμιο-Universidad Helénica del Mediterráneo (Grecia)
- Université d'Orléans (Francia)
- Univerza v Mariboru (Eslovenia)
- Universität Siegen (Alemania)
- Vilnius Gediminas Technical University (Lituania)
- Università Niccolò Cusano (Italia)
A esta alianza uníron posteriormente outras dúas universidades socias:
- Uniwersytet Marii Curie-Skłodowskiej w Lublinie (Polonia)
- Universidade de Vigo (España)
Ademais, ATHENA conta con outras institucións de educación superior en calidade de asociados:
- Fachhochschule Kärtnen (Austria)
- Націона́льний університе́т «Льві́вська політе́хніка»-Universidad Nacional Politécnica de Lviv (Ucrania)
- Національний технічний університет України "Київський політехнічний інститут імені Ігоря Сікорського"- Universidad Técnica Nacional de Ucrania "Instituto Politécnico de Kiev Ígor Sikorski" (Ucrania)
Tamén integra redes de cooperación transfronteiriza, que ademais de toda a súa experiencia, recursos e coñecemento, contribúen tamén a ampliar o alcance xeográfico a alianza:
ATHENA representa unha visión holística da educación superior que combina características distintivas para desenvolver unha mentalidade crítica e transformadora no noso alumnado, preparándoo para unha cidadanía global activa.
Os selos distintivos educativos de ATHENA inclúen a empregabilidade do estudantado, a inseparabilidade da educación, a investigación e a transferencia, a equidade e a inclusión, os valores democráticos, a internacionalización, a conexión coa industria e a sociedade en xeral, a transición fluída da educación ao traballo, a interdisciplinariedade, a multiculturalidade, a mentalidade empresarial e a eficiencia.