Unidade de atención ao estudantado con necesidades específicas de apoio educativo (Unaten)

As funcións da Unaten son, entre outras, as seguintes:

• Asesorar e informar dos recursos dos que dispón a Universidade de Vigo en materia de atención á diversidade e da forma de acceder a estes.
• Elaborar e manter actualizado o censo de estudantes con necesidades educativas de apoio educativo.
• Informar e asesorar o profesorado e o persoal dos servizos implicados con este colectivo.
• Propoñer acordos de colaboración con outras institucións que faciliten o desenvolvemento de actuacións conxuntas de atención a este colectivo.
• Sensibilizar a comunidade universitaria sobre a situación deste colectivo e garantir o seu acceso á información e á comunicación dentro da Universidade de Vigo.