Eleccións á Reitoría
A reitora ou o reitor é elixido pola comunidade universitaria mediante a elección directa e o sufraxio universal libre e secreto
Elixirase á reitora ou ao reitor por un período de catro anos e con posibilidade dunha soa reelección consecutiva, entre as catedráticas e os catedráticos de Universidade en activo que presten os seus servizos na Universidade de Vigo.
O voto será ponderado por sectores e correspondendo:
- Profesorado doutor con vinculación permanente á Universidade: 51%
- Resto do persoal docente e investigador: 9%
- Alumnado: 30%
- Persoal de administración e servizos: 10%
A ponderación farase sobre o total de votos a candidaturas validamente emitidos.
O último proceso electoral ao reitorado concluíu o 23 de abril de 2018, coa elección por parte da comunidade universitaria do novo reitor da Universidade de Vigo.