Oferta de emprego do CITMAga para tarefas de modelización matemática e simulación numérica
Solicitudes ata o 22 de decembro
Referencia da oferta
CITMAga-OT-28/2022
Descrición do posto
1 contrato como investigador/a asociado/a na área de Investigación e Transferencia “Competitividade Industrial” dentro do programa de investigación “Modelización matemática para a industria” e na liña de investigación “Modelado, simulación numérica, optimización e control de problemas da ciencia e da industria”.
Traballo que se realizará
Tarefas de investigación en modelización matemática e simulación numérica de problemas no ámbito do electromagnetismo de baixa frecuencia.
Funcións
Implementar técnicas novas para reducir tempos computacionais de simulacións de dispositivos electromagnéticos e máquinas eléctricas industriais; planificación e deseño de test que permitan validar os resultados da investigación e realización de informes técnicos intermedios e finais dos proxectos.
Perfís das candidaturas
Doutoramento.
Valoración de méritos e requisitos
- Grao de afinidade da tese doutoral coa temática do proxecto e título de doutor/a. Valoraranse licenciaturas, enxeñerías, grados e mestrados relacionados coas matemáticas, a física, a enxeñería e a informática (ou similares). Grado de afinidade das titulacións do candidato cos ámbitos da Matemática Aplicada e Industrial.
- Coñecementos de inglés.
- Coñecementos e experiencia adicional e específica.
- Formación e experiencia acreditada en modelización, simulación numérica, optimización e control; na implementación e validación no ordenador de algoritmos e métodos numéricos propios de estas disciplinas.
- Coñecementos e experiencia acreditada en electromagnetismo.
- Formación e experiencia acreditada en programación en linguaxes de cálculo científico (C, Fortran, Python, Matlab, etc.).
- Formación e experiencia acreditada no uso de software de simulación numérica e optimización.
Características do posto
- Retribución bruta mensual: 536,17 € en 14 pagas. Esta praza levará un complemento de proxecto a unha actividade realizada durante e dentro da liña de investigación de hasta 260,83 € mensuais.
- Data de inicio prevista: a partir do 1 de xaneiro de 2023.
- Tipo de contrato: contrato por circunstancias da produción.
- Categoría laboral: investigador/a asociado/a.
- Xornada laboral: a tempo parcial 25% (8,75 horas semanais).
- Duración: 9 meses.
- Lugar de traballo: Santiago de Compostela.
Información e solicitudes
Prazo de presentación de solicitudes ata o 22 de decembro de 2022.
Máis información aquí.