Técnico/a de dinamización socioeconómica local

O Concello de Ribadeo ten aberta unha convocatoria dun proceso selectivo para un contrato temporal para un posto de Técnico/a en dinamización socioeconómica local.

A duración do contrato é de seis meses a xornada completa.

Funcións

• Apoio en traballos diarios na Área de Economía, Desenvolvemento Local e Turismo.
• Asesoramento, fomento e mellora da actividade empresarial no sector do comercio de proximidade.
• Tarefas de apoio no desenvolvemento de campañas de dinamización comercial así como asesoramento para a transformación dixital de autónomos e deseño de estratexias de marketing dixital.
• Deseño e impartición de accións de formación e asesoramento individual e grupal a pemes e autónomos/as.

Requisitos

• Titulación en Relacións Laborais, Ciencias Empresariais, Ciencias Económicas, Socioloxía, Ciencias Políticas, Administración de Empresas, Relacións Públicas, Marketing, Xornalismo, Comunicación Audiovisual e comunicación.
• Estar inscrito/a como desempregado/a ou mellora de emprego

Información e solicitudes

As solicitudes poderán facerse directamente a través do rexistro do Concello de Ribadeo, ou a través da sede electrónica da entidade: www.ribadeo.gal. Se a documentación se presentase a través do rexistro doutra administración deberá comunicarse este extremo ao Concello por fax, correo electrónico ou por escrito aos efectos de poder coñecer tal presentación.

As bases están publicadas na Sede Electrónica do Concello de Ribadeo a que podes acceder premendo aquí.

As solicitudes poderán presentarse ata o 29 de agosto.