YOEMPRENDO 2.0
O obxectivo deste programa é orientar e fomentar a actividade laboral, emprendedora e profesional dos mozos e mozas de entre 14 e 35 anos.
Características
- Datas: de setembro a decembro de 2023
- Modalidade: online
- Público obxectivo: mozos e mozas de entre 14 a 35 anos.
- Inscrición: gratuíta
O programa YOEMPRENDO 2.0 consiste nunha formación de 80 horas a través da súa plataforma online con liberdade de conexión, entre setembro e decembro de 2023.
A formación dividirase nos seguintes bloques:
- Marketing dixital (20 horas): a finalidade é obter o máximo proveito das novas tecnoloxías e o entorno dixital.
- Como crear entidades de economía social? (20 horas): a formación enfócase en como crear empresas ou entidades relacionadas coa economía social: asociacións, cooperativas, sociedades laborais etc.
- Ecoemprendemento (20 horas): centrado na economía verde e sostible como un dos nichos de emprego con maior potencialidade de crecemento na actualidade.
- Empresari@s no mundo rural (20 horas): a formación parte dunha introdución xeral acerca do emprendemento e o perfil tipo de persoa emprendedora, expoñeranse as particularidades do medio rural, con especial mención ao emprendemento sostible, a innovación e o compromiso social.
O programa tamén consta de asesoramento en liña para o emprendemento: titorías personalizadas e adaptadas a cada proxecto e participante, durante as cales se ofrece un asesoramento completo as persoas interesadas en emprender, dende o desenvolvemento da idea e a elaboración do plan de empresa ata os trámites para a posta en marcha e a busca de financiaciamento e/ou subvencións.
Máis información e inscrición aquí.