O salón de actos da Facultade de Filoloxía e Tradución acolle a Xornada Igualdade para o alumnado internacional dirixida a concienciar ao alumnado internacional que está a realizar unha estadía académica na UVigo sobre a importancia da igualdade de xénero.

O acto arrancará ás 16.00 horas coa charla Igualdade na universidade: facendo da UVigo un espazo libre de violencias machistas, da man de María López Vázquez. Tras unha pausa, ás 18.45 horas, terá lugar a mesa redonda Violencias machistas: consecuencias penais, na que participarán diferentes autoridades con competencias nesta materia.