A Facultade de Educación e Traballo Social do campus de Ourense acolle a celebración do Congreso Internacional Sobre as diferenzas: filosofía, cultura e educación nas sociedades do século XXI. Nel especialistas de universidades de España e Portugal reflexionarán e debaterán sobre o multiculturalismo, a educación moral, a discusión entre a humanidade e as distintas intelixencias artificiais, as novas formas de pedagoxía, o papel do medo na sociedade contemporánea ou a arte e a cultura popular. A cita está organizada polo grupo de investigación Ontoloxías da Diferenza. Fundamentos Teóricos e Repercusións Prácticas.