O Centro Cultural Marcos Valcárcel da Deputación de Ourense acolle a presentación do libro Applying Drones to Current Societal and Industrial Challenges, editado polos profesores da Universidade de Vigo Diego Carou e Antonio Sartal e J. Paulo Davim, da Universidade de Aveiro. A publicación explora as aplicacións dos drones e as tecnoloxías de vangarda que impulsan a súa funcionalidade. No acto, presentado por Nieves Lorenzo, directora da Escola de Enxeñaría Aeronáutica e do Espazo do campus de Ourense, participarán como relatores Pablo Magariños, de UVigo Aerotech; Pedro Orgeira, de Aerospace Technology Research Group (ATRG), e José Antonio Rodríguez e Lucas Val, de Gradiant, que explicarán diferentes iniciativas levadas a cabo no eido da publicación.