Bolsas de formación na Dirección Xeral de Comercio e Consumo

A Vicepresidencia Primeira e Consellería de Economía, Industria e Innovación ten aberta unha convocatoria de dúas bolsas de formación na Dirección Xeral de Comercio e Consumo coa finalidade de que as persoas beneficiarias podan complementar os coñecementos teóricos adquiridos nos seus estudos cunha formación práctica que lles permita afrontar con maiores garantías o seu futuro profesional.

O programa formativo integrará aspectos relativos á actividade comercial, o estudo e análise da pequena e mediana empresa comercial, e o sector da distribución e as estruturas comerciais.

Características

• As bolsas desenvolveranse ao longo do ano 2023, cunha duración máxima de sete meses e medio, contados desde a data de incorporación das persoas bolseiras ata o 31 de decembro.
• A contía mensual de cada bolsa será 1200 € brutos.
• A formación terá lugar na Dirección Xeral de Comercio e Consumo en xornada de mañá.

Requisitos

• Posuír algún título universitario e rematalo no ano 2014 ou posterior.
• Acreditar un coñecemento da lingua galega no nivel de perfeccionamento ou Celga 4.

Méritos

• Por posuír un Grao/Licenciatura en Ciencias Económicas e Empresariais, Dereito, Ciencias Políticas, Administración e Dirección de Empresas, Relacións Laborais e Recursos Humanos, Dirección e Xestión Pública, Comercio e Márketing, Publicidade e Relacións Públicas ou equivalentes: 1 punto por cada un, cun máximo de 3 puntos.
• Pola nota media obtida no título acreditada cunha certificación académica outorgarase a seguinte puntuación: 
  • Aprobado: 1 punto.
  • Notable: 2 puntos.
  • Sobresaliente: 3 puntos.
  • Matrícula de honra: 4 puntos.
• Ata un máximo 6 puntos por formación complementaria.

Información e solicitudes

O prazo de presentación de solicitudes finaliza o 22 de maio de 2023.
O procedemento debe tramitarse en https://sede.xunta.gal  co código de procedemento IN225A.
Máis información aquí.
Tamén podes solicitar máis información no teléfono 881 995 799 ou no enderezo electrónico cei.dxc.axudas@xunta.gal.