Axudas complementarias para o estudantado participante no programa SICUE

A Universidade de Vigo pon en marcha unha nova liña de axudas complementarias para o estudantado participante no programa de mobilidade SICUE  entre centros universitarios españois.

• A contía máxima de cada bolsa será de 1500 euros para as mobilidades de curso completo e de 750 euros para dun só cuadrimestre.

• Requisitos para solicitar estas axudas:

  • Estar matriculado/a na Universidade de Vigo no curso 2022/2023 en titulacións oficiais de grao, tanto en centros propios como en centros adscritos de titularidade pública que impartan titulacións non ofertadas en centros propios, como é o caso das tres escolas de Enfermaría de Ourense, Pontevedra e Meixoeiro.

  • Cumprir os requisitos económicos relacionados coa renda familiar e co patrimonio recollidos nas bases da convocatoria.

  • Ter solicitada unha praza na convocatoria de mobilidade SICUE para o curso académico 2023/2024.

• O prazo de solicitude destas axudas remata o vindeiro 6 de marzo de 2023.

Convocatoria de axudas complementarias