O Máster Universitario en Intervención Multidisciplinar na Diversidade en Contextos Educativos, impartido na Facultade de Educación e Traballo Social do campus de Ourense, celebra o acto de graduación da súa 14ª promoción (formada por 33 persoas) e os seus 15 anos de desenvolvemento. Este título, tal e como indica a súa coordinadora, a profesora Mª del Pino Díaz, representa "o convencemento desta facultade a favor da protección e estimulación da diversidade en todas as súas manifestacións" e supón "un espazo académico diverso, multidisciplinar e interxeracional" que forma profesionais procedentes de diferentes disciplinas (como o ensino e a educación social) cuxo "futuro labor profesional vai ter un impacto positivo na consecución dunha sociedade máis xusta e igualitaria".