A Facultade de Comunicación acolle unha nova sesión do ciclo Creativas na rede: campañas, responsabilidade e efectos da publicidade, que busca achegar o alumnado ao traballo de directoras creativas formadas neste centro. Coordinado polo profesor Alberto Dafonte e promovido co apoio da Unidade de Igualdade da UVigo, este ciclo péchase nesta xornada co relatorio Impacto dos contidos de marca publicados por influencers nas crenzas das adolescentes sobre o aspecto físico e hábitos alimenticios, a cargo da investigadora da Universidad Internacional de La Rioja (UNIR) Beatriz Feijóo.