A Facultade de Ciencias do campus de Ourense, no marco do seu programa de doutoramento e mestrado en Ciencia e Tecnoloxía Agroalimentaria e da rede Aqua-Cibus, acolle dúas conferencias sobre microalgas. A primeira, impartida por Martiña Ferreira, do Departamento de Recursos Mariños e Acuicultura de Anfaco-Cecopesca, leva por título Aspectos tecnolóxicos da produción de microalgas, e a segunda, ofrecida por María José Chapela, do Departamento de Saúde, Nutrición e Farmacoloxía da mesma entidade, versará sobre a obtención de compostos de alto valor a partir de microalgas.