A Sala Universitaria Profesor Manuel Moldes acolle a exposición The making of a painting / Facer unha pintura, na que se presentan os resultados do proxecto realizado polo pintor inglés Simon Callery xunto cun grupo de estudantes da Facultade de Belas Artes. Promovida coa colaboración da Vicerreitoría do campus e do Departamento de Pintura da UVigo, trátase dunha exposición comisariada por Elena Bangueses, que presenta os resultados dun traballo levado a cabo en diferentes espazos naturais da contorna de pontevedra, en colaboración cos estudantes Goa Vázquez, Julio Catalán, Álex Fuertes, Diego del Río e Cristina Rus.

A exposición pode visitarse ata o 30 de abril, de luns a venres, en horario de 11.00 a 14.00 e de 18.00 a 21.00 horas.