O Cinbio, o Centro de Investigación en Nanomateriais e Biomedicina da Universidade de Vigo, organiza esta fin de semana o festival científico CinVigo, unha iniciativa que busca achegar a ciencia que día a día se fai neste centro ás prazas e rúas da cidade, convertendo a Porta do Sol nun auténtico laboratorio científico do que poida ser partícipe toda a cidadanía. Baixo o lema Ciencia na rúa, o público asistente poderá coñecer de preto diferentes proxectos científicos, pero tamén participar activamente en retos, concursos ou actividades divulgativas como a xincana e os obradoiros, estes últimos especialmente deseñados para público infantil. 

Programa:

 11:30h Maxia de preto itinerantes

 11:30h Ciencia exprés itinerante

 12:30h Visita inaugural coa asistencia de Miguel Correa e Diana Valverde, director e subdirectora do Cinbio; Ana Ortiz, delegada territorial da Xunta de Galicia en Vigo, e Olga Alonso, concelleira de Educación

 16:00h Maxia de preto itinerante

 16:00h Ciencia exprés itinerante

 16:00h Minuto de gloria: proxectos ao escenario!

 16:00h Saída xincana

17:00h Programa de Radio Efervesciencia

 18:00h Espectáculo de maxia

18:45h Desafío final xincana

 19:15h Espectáculo Cienceando