Relatorio 'La deuda pública española, ¿y ahora qué?' a cargo do economista Daniel Fuentes
Data de celebración:
29 de setembro de 2022 ás 19:00Dirixido a
Entidades Colaboradoras , Estudantes , Medios , PAS , PDI e Público externoOrganiza
Universidade de VigoLugar
rúa Torrecedeira 105
36208 Vigo
España
Tipo de evento
Charlas e seminariosEntrada:
De baldeModalidade
PresencialNo salón de actos da Facultade de Comercio e en liña
O ciclo de conferencias Diálogos con… do programa UVigo Leadership School retoma a actividade cun relatorio do doutor en Ciencias Económicas, docente de Teoría Económica na Universidad de Alcalá e director da Área de Research de KREAB España, Daniel Fuentes. La deuda pública en España, ¿y ahora qué? é o titulo do relatorio que Fuentes ofrecerá a partir das 19.00 no salón de actos da Facultade de Comercio da UVigo e que tamén poderá seguirse en liña, previa inscrición.
Doutor en Ciencias Económicas pola Universitté Paris-Nanterre, Fuentes é licenciado en Ciencias Económicas e Empresariais pola UVigo, con dobre especialidade en economía pública e privada. Investigador no INRA e na OCDE Paris, é autor dunha vintena de traballos académicos publicados en revistas e traduciu ao español as obras do economista galo Thomas Piketty, Capital e ideoloxía, Viva o socialismo e Unha breve historia da igualdade.