Asisten: Esther de Blas, vicerreitora do campus de Ourense; Ana María Villarino, alcaldesa de Oímbra; Marina Salgado, concelleira de Monterrei; Susana Reboreda, decana da Facultade de Historia; Beatriz Comendador, directora do proxecto; Victor Rodríguez, director do traballo de campo

Visita á intervención arqueolóxica que desde o 8 de xullo realiza un equipo da Universidade de Vigo no Castelo de Lobarzán ou Castro das Laxes das Chás. O estudo deste xacemento xorde no marco dun convenio de colaboración asinado o pasado mes de abril entre a Universidade de Vigo e os concellos ourensáns de Oímbra e Monterrei, onde se ubica o xacemento, para a realización de diversas actividades de recuperación patrimonial, paisaxística e etnográfica da área arqueolóxica do Castelo de Lobarzán e a súa contorna a cargo de membros do Grupo de Estudos de Arqueoloxía, Antigüidade e Territorio (Geaat) da Universidade de Vigo.