A XV Mostra Internacional de Teatro Universitario (Miteu) de Pontevedra clausúrase nesta xornada coa obra de Estupidez artificial, da Aula de Teatro do Campus de Pontevedra. Dirixida por Omar Ferrín e Salvador del Río, trátase dunha montaxe na que se contan tres historias que teñen como nexo común a intelixencia artificial e que abordan a busca da compañía para escapar da soidade, a procura de inspiración dun artista frustrado ou a indagación arredor da fórmula que permita dominar o mundo.