A programación da XV Mostra Internacional de Teatro Universitario (Miteu) de Pontevedra ábrese coa representación da obra Tomás, cuando el silencio es  complicidad, da compañía colombiana Sin mente Teatro. Dirixida por Germán Frasio Montegimeno e interpretada por Diana Rocha Torres, Edna Rocío León e Diego Cañón, esta obra bríndalle á persoa espectadora unha posta en escena cargada de imaxes e sensacións que transitan entre alegrías e penas, a través da linguaxe corporal, actoral, visual, musical e o manexo de monicreques.