Concurso de vídeos Móvete polos ODS: votacións abertas
Xa está aberto o período de votación para elixir os premios da terceira edición do concurso Móvete polos ODS da Rede Galega de Cooperación Universitaria ao Desenvolvemento.
Este concurso pretende convidar as persoas participantes a mobilizarse e comprometerse fronte aos grandes retos da Axenda 2030, como son o cambio climático, as desigualdades sociais e de xénero, a perda da biodiversidade, a escaseza de auga etc.
O prazo de votacións estará aberto desde o 30 de outubro ata o 14 de novembro, ás 14:00 horas.
De acordo coa convocatoria, os vídeos gañadores serán os que teñan máis "gústame" en YouTube ao finalizar o prazo de votacións; non se terán en conta o número de interaccións, senón os "gústame" únicos).
Premios:
- Primeiro premio ao vídeo máis votado en YouTube: 550 €
- Segundo premio ao segundo vídeo máis votado en YouTube: 350 €
- Terceiro premio ao terceiro vídeo máis votado en YouTube: 200 €
- Premio á innovación: 400 €
Convidámoste a ver e a votar os vídeos a través da seguinte ligazón:
Vicerreitoría de Benestar, Equidade e Diversidade
Edificio Ernestina Otero
As Lagoas, Marcosende
36310 Vigo
+34 986 130 261
vic.benestar@uvigo.gal | direc.equidade@uvigo.gal