O salón de actos da Facultade de Filoloxía e Tradución acolle este venres 25 de outubro o coloquio internacional Inconvenient Truths: Silences, Scandals and Secrets in Modern Ireland organizado polo proxecto de investigación Inconvenient Truths: Cultural Practices of Silence in Contemporary Irish Fiction. 

O coloquio comenza ás 10.00 h da mañá coa celebración dunha conferencia plenaria, aberta para toda a FFT, a cargo de Margaret Kelleher, investigadora do University College of Dublin e autora de The Maamtrasna Murders: Language, Life and Death in Nineteenth-Century Ireland. Despois da súa intervención, o programa continúa con paneis de presentación e sesións de debate a cargo de investigadores da Universidade de Vigo; National University of Ireland, de Galway; Universidade de Alcalá de Henares; Universidade de Deusto; University College Cork; e Universidade de Santiago de Compostela.